29/11/09

CICLO DE CONFERENCIAS E CONCERTOS: Músicas galegas de actualidade

Desde o 30 de novembro e ata o 4 de decembro de 2009, a AS-PG e a Vicepresidencia Primeira da Deputación de Lugo organizan un ciclo de confencias e concertos, neste caso centrados nas músicas galegas de actualidade que se van desenvolver entre as 19:30 e as 21:30 horas no Museo Provincial de Lugo.
PROGRAMA:
Día 30 de novembro: Rosa María Fernández, Tradición e vangarda desde os mestres Bal y Gay e Ángel Barja: a música esquecida.
Actuación do Cuarteto de Cordas SANTART. Interpretarán o cuarteto nº 2 e o cuarteto nº 3
De Angel Barja, por primeira vez en Galiza despois da súa estrea.

Día 1 de Decembro: Luís Costa, A vontade identitaria do Coralismo Galego.
Intervención de Solo Voces que interpretará pezas de Pascual Veiga e Xoán Montes.

Día 2 de decembro: Xan Fraga: Contexto Histórico cultural no que xorde o movemento da nova canción galega. Os de música. Características da obra de Miro Casabella.
Intervención musical: Miro Casabella. Galeusca

Día 3 de decembro: Xurxo Souto, No ano do relampo, a selva diversa das músicas emerxentes.
Intervención en concerto de The Homens.

Día 4 de decembro: Carlos Villar Taboada: As músicas contemporáneas en Galicia: tendencias e compositores nun novo século.

Máis información e matrícula aquí.

27/11/09

EUROPA ADVIRTE A FEIJOO SOBRE A POLÍTICA LINGÜÍSTICA DA XUNTA

A European Bureau for Lesser Ussed Lenguages (EBLUL, Axencia Europea das Linguas Minorizadas) emitiu unha resolución na que reprende a política lingüística emprendida polo Executivo de Alberto Núñez Feijóo, tras a reunión de que este organismo celebrou onte en Barcelona.

O texto "informa" á Xunta de Galicia de que "as súas medidas adoptadas contra a lingua galega desde o pasado mes de abril supoñen unha vulneración de tratados internacionais sobre dereitos lingüísticos subscritos polo Estado español" e contra a Carta Europea de Linguas Rexionais e Minorizadas.

A EBLUL afirma na súa resolución que "resulta de especial gravidade" que "non só non se puxese en marcha ningunha das medidas recomendadas", senón "que se desmantelasen algúns dos proxectos máis aplaudidos polo Consello de Europa", entre os que se cita á antiga Rede Galega de Escolas Infantís, Galescolas, "a única rede de ensino que contemplaba con normalidade o uso do galego".

O documento "anima" ao Goberno galego a "que desenvolva unha política lingüística de extensión social da lingua propia de Galicia", á vez que lle advirte que "de continuar a súa política de desprotección" trasladarase a situación aos diferentes foros internacionais onde a EBLUL atópase presente.

Esta entidade da UE está promovida polo Parlamento Europeo, e posúe rango de entidade consultiva ante o Consello de Europa e a Organización das Nacións Unidas (ONU).

25/11/09

PRIMEIRO DICIONARIO XURÍDICO EN GALEGO

O sábado pasado dentro dos actos conmemorativos do XX aniversario da asociación cultural focega A POMBA DO ARCO, Xoán Xosé Barreiro Prado, maxistrado da sección 2ª da Audiencia pontevedresa, anunciou a próxima publicación, cara á primavera, do 1º dicionario xurídico galego. Este traballo, no que o maxistrado participa xunto con outros compañeiros e no que levan traballando máis dun ano, é outra das mostras do seu compromiso coa lingua galega.
Ademais deste anuncio o maxistrado tamén fixo referencia, durante a súa intervención, a unha próxima modificación das leis que permitirá que calquera persoa presente durante os xuízos poderá actuar como tradutor en caso de que alguén dos implicados nos mesmos non entenda calquera das dúas linguas oficiais.
Despois de facer unha breve exposición sobre a súa traxectoria profesional e a súa experiencia como profesional da xustiza que dita todas as súas sentenzas en galego, Xoán Xosé afirmou que no campo da xustiza se bota en falta que a maioría dos avogados, aínda sendo galegofalantes, non empreguen o galego na sala dos xuízos.
A súa intervención rematou coas seguintes palabras: "no ámbito da xustiza non hai o conflito social que se quere facer ver"

STOP a VIOLENCIA de XÉNERO


Nós pedimos stop á violencia de xénero!
Nestas últimas semanas da clase de Cidadanía, fixemos un traballo sobre a violencia de xénero coa nosa mente posta en todas as vítimas falecidas en España.Despois de analizar os datos observamos que onde máis casos se dán é en Andalucia , C0munidade Valenciana e Cataluña. A media de vítimas cada ano por comunidade é de 19 persoas. Hai informes que confirman que o 80% das mulleres mortas en España por este tipo de violencia no 2008 non denunciaran o maltrato. Os grupos de idades máis afectados son, en 1º lugar, as mulleres comprendidas entre os 31-40 anos, seguidas polas de 21-30 anos. Un dos casos máis frecuentes é o das mulleres que despois de ser maltratadas denuncian a agresión pero as súas parellas non acatan a lei e continúan co acoso ata que finalmente as asasinan.
Hoxe é o día mudial contra a violencia de xénero. Tod@s deberiamos ser conscientes deste fenómeno que afecta a mulleres de todo o mundo. Cantas máis persoas nos unamos para loitar contra a violencia de xénero máis axiña a venceremos.

TODAS UNIDAS CONTRA A VIOLENCIA DE XÉNERO


Xa hai uns cantos días que levamos preparando estes traballos na clase de Educación para a Cidadania. Dividimos a clase en seis grupos de tres ou catro persoas cada un para organizarnos.
No noso traballo pretendemos reflectir o que outras persoas expresarían nun texto, en imaxes, gravados e titulares de xornais.
Debuxamos como marco unhas mans para representar a unión de todas as mulleres contra esta barbaridade que nos está, na actualidade, a afectar a unha gran maioria de mulleres tanto no noso país coma no estranxeiro.
As nosas imaxes pretenden ensinar todo o que sofren ditas mulleres malia todas as campañas que se fixeron contra este tipo de violencia.
Buscamos diversas cancións que representan o día a día destas mulleres e todo o que sofren. De todas as que atopamos eliximos unha titulada:
"En tu ventana"- Andy y Lucas

23/11/09

CONCURSO DE TARXETAS DE NADAL



LEMBRADE que coma todos os anos, o ENDL xa convocou a nova edición do concurso de tarxetas de nadal. As bases do mesmo están nos taboleiros das vosas aulas así como tamén nos taboleiros dos corredores. ANIMÁDEVOS a participar. Fabulosos premios están agardando por vós.

22/11/09

SEGUEN COA TEIMA DA LINGUA

De seguro sabedes que o conselleiro de cultura presentou, en castelán, por suposto, o xoves, a nova web GASTRONOMÍA DE GALICIA. Dita web, patrocinada pola Xunta, só está en castelán. Pois ben, horas despois da presentación , por arte de maxia, desapareceron os logotipos da Xunta. POR QUE SERÁ???. Se queredes ver a noticia e tamén a presentación do conselleiro, premede aquí.

19/11/09

"LA LENGUA INÚTIL"

Artigo moi bo de Manuel Rivas sobre o xuíz de Alcorcón. Preme para ler o artigo.

18/11/09

MILLADOIRO ESTÁ DE CELEBRACIÓN


O grupo musical galego celebrará os seus 30 anos nos escenarios cunha xira por catro cidades galegas. Máis detalles aquí.

XOSÉ RAMÓN BARREIRO REMATA A SÚA ETAPA COMO PRESIDENTE DA RAG


A noticia aquí.

NOVA SENTENZA XUDICIAL SOBRE A ELECCIÓN DE IDIOMA

O Supremo desbota que os pais decidan sobre o idioma do ensino. Máis información aquí.

O QUE FALTABA POR VER!!!

Unha nai pode perder a custodia das súas fillas por escolarizalas en galego. A noticia completa aquí.

ENTRE OS DOUS CIRILOS, ESCOLLERON O MALO

Interesante artigo de opinión sobre a política cultural do novo goberno autonómico. Preme para velo.

13/11/09

REPRESENTACIÓN TEATRAL


O grupo de teatro cervense O BORDELO actúa en Lourenzá, mañá, sábado, 14 de novembro coa peza "O Mariñán". A representación dará comezo ás 20:00 nas instalacións do mercado gandeiro laurentino.

XX ANIVERSARIO DA POMBA DO ARCO


Con motivo do seu XX aniversario, a asociación socio-cultural focega A POMBA DO ARCO está a organizar os seguintes actos durante o mes de novembro:
- O venres 20 o acto «Foz, un pobo con historia propia» no que se contará coa presenza do cronista oficial focense Suso Fernández e do profesor xubilado de la Universidade de Vigo Francisco Carballo. Ambos falarán da relevancia histórica de Foz dentro da historia de Galicia, una charla, ademais, coa que A Pomba do Arco, «pretende reivindicar a recuperación da historia local como un todo dentro da historia nacional, defendendo a importancia da historia local para construír a nacional».

- O sábado 21 a xornada terá como título «Xornada da lingua» e como protagonistas directos á profesora da Universidade da Coruña Pilar García Negro e o maxistrado da Audiencia de Pontevedra Xosé Xoán Barreiro Prado. Curiosamente eles mesmos foron os que participaron no 1º acto que organizou a asociación hai xusto vinte anos.

- O venres 27 será a Festa da Palabra, con Luísa Castro, Miguel Anxo Fernán Vello e Lois Diéguez, un recital poético con voces representativas da xeración dos 70 e 80 e no que haberá unha lembranza especial para o socio de honor do colectivo Manuel María.


EN GALEGO, CON MOITO GUSTO


Interesante campaña de DINAMIZACIÓN LINGÜISTICA nos mercados de Ferrol. Entre as actividades organizadas, un concurso de recetas de cociña. Preme para ver a información.

FRANCO GRANDE E CARLOS VARELA, PREMIOS SAN MARTIÑO DE NORMALIZACIÓN LINGÜÍSTICA

Aquí a noticia.

`A noite que deixou de chover`CHEGA ANTES A INTERNET CA AOS CINES.


Aquí a noticia.

1ª ASAMBLEA XERAL DA COORDINADORA GALEGA DE ENDL



O sábado, 7 de novembro, celebrouse en Santiago a 1ª asamblea xeral da coordinadora galega de ENDL. Alí estabamos coordinador@s de ENDL así como tamén profesor@s colaborador@s adscritos á coordinadora. Nestes momentos, e só uns meses despois de que este proxecto botase a andar, a coordinadora xa conta con 400 adhesións. Despois de se aprobaren os principios da coordinadora, o seu plano de traballo anual e o organigrama, escolleuse por unanimidade o seu consello directivo, integrado por dez persoas e que ten como coordinadora xeral a Valentina Formoso, profesora do IES Félix Muriel de Rianxo. O acto foi clausurado pola nova coordinadora xeral quen afirmou que : "A CGENDL nace con intención de permanecer no tempo, de xuntar cada día máis apoios de ENDL e tamén de moitos docentes que queren colaborar connosco, nace para SUMAR o noso gran de area a prol da lingua galega, para -desde unha estratexia e discurso propios- acadar os nosos obxectivos.

Somos un colectivo plural, moi plural, de xente traballadora, razoable e con moita ilusión, que sempre estará aberto ao diálogo, sempre desde o respecto mútuo que nos caracteriza, e sempre desde a boa intención...

Mais, ímolo dicir ben alto e ben claro, todo o mundo debe saber

que nunca imos renunciar a defender o noso principal sinal de identidade,
que en ningún momento imos ter nin medo, nin preguiza de traballar pola súa normalidade, porque temos orgullo do noso, porque temos orgullo do galego
que nos imos facer escoitar porque temos algo que dicir sobre o galego no ensino, baseándonos na nosa experiencia e coñecementos."
Desd aquí aproveitamos para dar as grazas a este grupo de docentes polo seu traballo, esforzo e dedicación durante este tempo de andaina da coordinadora e enviámoslles todo o noso ánimo e apoio incondicional. Moita sorte nesta nova etapa!!!

12/11/09

Anxo Fariña


O 6 de novembro tivemos unha conferencia con Anxo Fariña
no IES de Foz. Contouos aos alumn@s como se debuxa e escribe
un conto; debuxou a unha nena de 2º chamada Sabela dunha forma especial. Tamén fixo historias c@s nos@s compañeir@s. Contounos cousas sobre o seus contos OS MEGATOXOS .Finalmente deu ao IES un exemplar e asinounos o libro.

FÁTIMA DILAMI BOUZRI 1º ESO

ANXO FARIÑA

O día 6 de novembro veu Anxo Fariña a dar unha charla no noso instituto. Asistimos os alumnos de 1º e 2º da ESO. Falounos dos seus libros e de que sacara unha terceira parte chamada “ Os Templarios da Luz”. Ensinounos a crear unha historia e fixo participar a varios voluntarios. Fixo unha caricatura dunha nena chamada Sabela. A min gustoume porque nos fixo rir con historias moi graciosas que se inventaba cos nosos compañeiros, o que o facía máis divertido.

Pero o mellor foi que me fixo perder o exame de mates.

Gemma Moreda Mariño.1º ESO.


Anxo Fariña

Ola, son unha alumna do centro I.E.S de Foz , e asistín á conferencia de Anxo Fariña. Pareceume moi orgulloso do seu último libro ¨ Os Megatoxos . Eu tiven o pracer de ler ese libro. Ao principio parecíame aburrido, pero logo no final xa resultaba máis entretido . A min persoalmente gustoume bastante.

O que máis me gustou do libro foron os personaxes : por exemplo Faísca porque tiña lume no pelo, estaba moi ben . Ruxe tamén me encantou porque podía converterse en calquera animal que desexase . Ben, eu escribo isto para felicitalo polo seu libro: encantoume .


Amanda Menéndez Suárez


VISITA DE ANXO FARIÑA


O día 6 de novembro fixo unha conferencia Anxo Fariña no salón de actos do instituto IES de Foz. Asistiron os alumnos de 1º e 2º da ESO; veu falar do seu traballo “Os Megatoxos”: explicounos como se debuxa e escribe un libro, de onde sacou a idea, as personaxes, enseinounos a estrutura dun microconto e debuxou unha compañeira dunha forma un tanto especial, poñéndolle un rabo e armas. A nós persoalmente gustounos moito sobre todo cando creaba historias coa axuda dos alumnos e aprendimos moito con esta experiencia.

Jennyffer Fernandes Barbosa e Irea Fernández Xove.



11/11/09

A BIBLIOTECA VIRTUAL DOS TRADUTORES AMPLÍASE CON NOVE TÍTULOS

Se che interesa coñecer os libros seleccionados preme aquí.

UN CAPÍTULO DA NOVELA GAÑADORA DO XERAIS NA REDE


A noticia completa aquí.

XERAIS ESTREA NOVO FORMATO


A editorial Xerais é a 1ª en lanzar as súas novidades en formato e-book. A noticia completa aquí.

PREMIO NACIONAL DE CÓMIC


"As serpes cegas" confirma o seu ano triunfal co Nacional de Cómic. A noticia completa aquí.

TÍRALLE DA LINGUA




A Asociación Socio-Pedagóxica Galega convoca o X Concurso de relato oral "Tíralle da lingua" de acordo coas seguintes BASES:
1ª. As historias poderán ser de base popular, de base literaria ou de creación propia.
2ª. As historias contaranse en galego.
3ª. Os participantes concursarán individualmente ou en grupo, pero sempre respectando o tempo máximo por actuación (5minutos). A superación dese tempo pode supor a descualificación. Poderán participar cun máximo dunha historia.
4ª. O concurso vai destinado a tres niveis académicos: Primaria, primeiro ciclo de ESO, e 2º ciclo de ESO e ensino postobrigatorio.
5ª. O concurso farase en dúas fases: a nivel centro de ensino e a nivel nacional.
6ª. Na 1ª fase será o propio centro o que determine e se responsabilice dos posíbeis premios. O nº de concursantes que pasarán da 1ª á 2ª fase determinarase en función da participación, o que se comunicará aos centros.

ANIMÁDEVOS E PARTICIPADE!!! O Centro xa se encarga do proceso de inscrición.

7ª. A fase final celebrarase en Santiago no mes de abril, no teatro Principal, en dous grupos: un para primaria e 1º ciclo de ESO e outro para 2º ciclo de ESO e ensino postobrigatorio.
8ª. O 1º PREMIO ten un valor de 250€ e o 2º PREMIO , se o xurado así o estima, de 150€. Os centros de ensino dos participantes gañadores recibirán un premio do mesmo importe.
9ª. O xurado estará composto por tres persoas alleas aos centros participantes con experiencia nestas actividades e emitirá o dictame o mesmo día da celebración do concurso.

10/11/09

Presentación dun novo libro da editorial Kalandraka




O profesor e autor lucense Toño Núñez presenta o seu último libro infantil Mago Goma na Biblioteca Municipal de Lugo o próximo venres, 20 de novembro, ás 19:00.

5/11/09

Anxo Fariña visita o noso centro


O escritor Anxo Fariña visitará o noso centro mañá, 6 de novembro, ás 13:40. A actividade está dirixida ao alumnado de 1º e 2º ESO e inclúese dentro do programa de dinamización lingüística BOCABERTA. A próxima semana darémosvos boa conta de como transcorreu o encontro.

Lorenzo admite a "preocupación" da sociedade polo galego tras o 18-O

Para ver a noticia preme aquí