Aventúrate cos libros. Coñece a túa biblioteca

Aproveitando o feito de que no noso centro se inaugurará unha nova biblioteca (aberta ao público en xeral) durante este curso académico, pareceunos interesante poñer a andar este obradoiro que podería ter continuidade en anos sucesivos para o alumnado novo do centro. Trátase de aproveitar unha das lecturas (en galego) de carácter obrigatorio para organizar un xogo de pistas co apoio físico e material facilitado pola biblioteca. En colaboración co grupo de traballo da biblioteca, elaboraremos cuestións relativas á lectura e os-as alumnos-as deberán ir resolvéndoas coas pistas proporcionadas. As pistas agacharanse en distintos lugares: andeis, libros, ordenador... de tal maneira que os-as alumnos-as se vexan obrigados a familiarizarse cos fondos e con este espazo de lecer/ estudo.