Propoñemos ao alumnado un percorrido pola costa mariñá (concello de Foz, ata o límite con Burela) para que a coñezan e poidan entender a súa toponimia. Na medida do posible intentarase descubrir a etimoloxía dos topónimos.
Para a realización desta actividade intentaremos contar coa axuda dalgún profesional da pesca focense así como de profesorado do departamento de bioloxía.
O resultado final reflexarase na realización dun mapa da costa (recollido a través de Internet co programa SIGPAC) onde se situarán os topónimos e as súas referencias etimolóxicas. O mapa será exposto no hall do centro para que toda a comunidade educativa teña acceso a esta información.
No hay comentarios:
Publicar un comentario